कानडा राजा पंढरीचा ,
वेदांनाही नाही कळला अंतपार याचा
निराकार तो निर्गुण ईश्वर
असा प्रकटला असा विटेवर
उभय ठेविले हात कटीवर
पुतळा चैतन्याचा
कानडा राजा पंढरीचा ,
वेदांनाही नाही कळला अंतपार याचा
परब्रम्ह हे भक्तासाठी
उभे ठाकले भीमेकाठी
उभा राहिला भाव सावयव
जणु कि पुंडलिकाचा
कानडा राजा पंढरीचा ,
वेदांनाही नाही कळला अंतपार याचा
हा नाम्याची खीर चाखतो
चोखोबांची गुरे राखतो
पुरंदराचा हा परमात्मा
वाली दामाजीचा
कानडा राजा पंढरीचा ,
वेदांनाही नाही कळला अंतपार याचा